İlkin mediasiya sessiyası üçün müraciət prosesi

Tərəflərdən biri digər tərəfə poçt vasitəsilə mediasiya prosesinin tətbiqi barədə yazılı formada məlumatları (tərəflərin adları, qeydiyyat (varsa yaşayış) ünvanı, işlək telefon nömrəsi (varsa elektron poçt), mübahisənin predmeti, xərclərin ödənilməsi şərtləri və qaydası, əgər tərəflər arasında digər razılaşma yoxdursa, mediasiyanın keçirilməsinin məxfiliyi haqqında tərəflərin öhdəlikləri və həmin öhdəliyə əməl etməməyə görə məsuliyyət), həmçinin tərəflərin qarşılıqlı razılaşdığı mediator (mediatorlar) və ya mediasiya təşkilatı vardırsa, bu barədə məlumatı, olmadıqda isə bu barədə təklifləri əks etdirən təklif göndərir (təklifin formasını saytdan əldə edə bilərsiniz). 10 iş günü keçdikdən sonra, tərəflərin hər ikisi könüllü qaydada təklif olunan mediatora müraciət etmədikdə, tərəflərdən hər biri mediator təyini üçün mediasiya təşkilatına (təşkilat olmayan ərazilər isə Mediasiya Şurasına) müraciət edə bilər. Vətəndaş qeydiyyat üçün aşağıdakı sənədləri göndərməlidir. 

1. Təklifİin 1 nüsxəsi;

2. Poçtdan təklifin göndərildiyini təsdiq edən qəbz (mediasiya təklifi edilən şəxs müraciət etdikdə bu sənədə ehtiyac qalmır);

3. Ərizə (ərizə formasını mediasiya.gov.az saytından əldə edə bilərsiniz)

Sənədləri poçt və e-mail vasitəsi ilə aidiyyatı üzrə mediasiya təşkilatlarına göndərə bilərsiniz.

Qeyd: Bakı şəhəri və Abşeron rayonu üzrə müraciətlər yalnız Bakı şəhərində fəaliyyət göstərən təşkilatlar tərəfindən qəbul edilir.

Digər rayon və şəhərlər üzrə müraciətlər bölgələrdə fəaliyyət göstərən təşkilatlar tərəfindən qəbul edilir.

Mediasiya Şurası sənədləri:

Qeyd: Təklif məktubu, qəbz və ərizədə mütləq imza olmalıdır.

Əlaqə nömrələri: 012 (1927)

Elektron poçt: muraciet@mediasiya.gov.az